Igape

Igape, Instituto Galego de Promoción Económica
  1. A Xunta ofrece asesoramento inmediato a autónomos e pemes para reactivar a súa actividade a través do Igape Responde

    O novo programa ten activados o teléfono gratuíto de información 900 815 151 e o correo igaperesponde@igape.es. Para fortalecer e reorganizar os servizos de acompañamento aos colectivos empresariais máis vulnerables ante a situación xerada pola covid-19, refórzase cunha nova convocatoria do ReAcciona. Achegarase orientación sobre as medidas de implantación rápida e apoio impulsadas para a reorganización estratéxica e operativa, o impulso do teletraballo e a innovación dos negocios. Facilítase información sobre as axudas da Administración autonómica dirixidas ao comercio e os sectores industrial e de servizos para garantir a seguridade e potenciar a dixitalización e as vendas no exterior.

  2. A Xunta apoia 14 novos proxectos de pemes galegas que van mobilizar 1,4M€ para a fabricación de medios de protección fronte á covid-19

    O Comité de fabricación de equipamento sanitario e de material para a protección dos traballadores avaliou hoxe estes novas propostas, ás que a Xunta achegará preto de 760.000 euros. As iniciativas céntranse na fabricación de máscaras, pantallas protectoras, biombos, solucións desinfectantes e roupa e accesorios sanitarios, entre outros. En total, sumando esta nova resolución, son xa 28 proxectos aprobados, que van mobilizar preto de 2,7 millóns de euros. As pemes galegas poden tamén optar a un segunda liña de apoios, dotada con 5 millóns de euros, para impulsar a fabricación en Galicia de produtos como medicamentos, tratamentos, test de diagnóstico ou equipos hospitalarios e médicos, entre outros.

  3. A Xunta facilita a reactivación de 27.000 autónomos e pemes do comercio, o turismo, o sector servizos e o transporte a través de axudas que impulsan a instalación de medidas de protección para traballadores e clientes

    O Goberno galego destina 16 millóns de euros ao programa Reactiva Comercio, Turismo e Servizos Seguros, co que busca facilitar a volta á actividade achegando a máxima confianza aos consumidores. Apoiarase a adquisición de equipos de protección, a adaptación dos espazos, a realización de obras e a posta á disposición de información para os clientes, e as actuacións poden estar xa realizadas desde a declaración do estado de alarma. As axudas para os establecementos de menos de 10 traballadores e menos de 300 m2 cubrirán o 100% do investimento, ata 1200 euros. Os apoios para os locais de maiores dimensións acadarán o 80% do gasto realizado, cunha axuda máxima de 3000 euros. Para participar é preciso cubrir primeiro o cuestionario da plataforma gratuíta online Comercio Seguro, coa que calquera negocio pode obter unha análise do seu nivel de preparación fronte ás necesidades de prevención e planificar as medidas que se deben acometer. 

  4. A Xunta traballa coas empresas galegas na súa expansión en oito mercados internacionais a través de encontros en liña

    Hoxe celebrouse a primeira das videoconferencias dun ciclo que afonda nas oportunidades para as exportacións galegas en China, México, Estados Unidos, Marrocos, Perú, Reino Unido, Israel e India. Representantes das oficinas empresariais da Administración autonómica e compañías galegas con implantación neses países informan ás pemes participantes sobre os servizos dispoñibles e ofrecen claves para impulsar ou mellorar as vendas no exterior. Mañá comezan tamén as actividades do programa formativo online gratuíto de apoio á internacionalización dixital dirixido a autónomos e pemes, que ofrecerá oito talleres de formación práctica. A iniciativa forma parte do Plan de dixitalización que vén de activar o Goberno galego e co que se prevén mobilizar 40M€ para facilitar a reactivación do tecido empresarial e a súa adaptación á actual situación derivada da covid-19.

  5. A Xunta activa a nova liña de axudas para a fabricación de produtos de prevención e loita contra a covid-19 nos eidos laboral e sanitario

    O Diario Oficial de Galicia (DOG) publica hoxe esta iniciativa dotada con 5 millóns de euros que impulsará a produción en Galicia de medicamentos, tratamentos, test de diagnóstico e equipos hospitalarios e médicos, con apoios de ata 800.000 euros. A Administración autonómica suma 7,5 millóns de euros neste ámbito, xa que este programa se engade á convocatoria aberta por 2,5M€ para impulsar a reorganización produtiva de pemes para facer fronte á emerxencia sanitaria, a través da cal xa se concederon axudas para os primeiros 14 proxectos.

  6. A Xunta amplía o prazo para que as empresas participantes no programa Profesionais 4.0 poidan contratar mozos e mozas de ata 35 anos

    Para axustarse mellor ao novo contexto económico, as compañías adscritas á iniciativa disporán ata finais de agosto para formalizar os contratos, que impulsarán a especialización e a incorporación ao mercado laboral de 139 persoas con titulación universitaria ou de técnico superior de FP. Esta liña de apoios impulsa a industria conectada e intelixente mediante o desenvolvemento de proxectos de mellora competitiva en compañías e organizacións empresariais. Tamén se prorroga o período de presentación de solicitudes do programa Maquinaria 4.0 e os proxectos Industria 4.0.

  7. A Xunta destina 23,5 M€ ao Plan de dixitalización do comercio e as pemes para que gañen en competitividade no novo contexto económico

    O obxectivo é facilitar a reactivación do tecido empresarial e que se poida adaptar á actual situación derivada do Covid-19. Dedícanse 6,5M€ á dixitalización das pemes, 4M€ a facilitar o teletraballo; e 3M€ ao impulso da dixitalización no rural e na economía social. Impúlsase con preto de 4 millóns de euros a modernización e a innovación no comercio de proximidade, que pode obter axudas para novas canles e fórmulas de comercialización e adaptar os seus establecementos. As pequenas e medianas empresas contarán con 6M€ para impulsar a súa internacionalización dixital.

  8. A Xunta destina 5 M€ a facilitar ás pemes a fabricación de produtos que axuden a previr e combater o Covid-19 a nivel sanitario e laboral

    O novo programa, con apoios de ata 800.000 euros, promoverá a produción en Galicia de medicamentos, tratamentos, test de diagnóstico e equipos hospitalarios e médicos. Súmase á convocatoria aberta por 2,5M€ para impulsar a reorganización produtiva de pequenas e medianas empresas para facer fronte á emerxencia sanitaria, unha liña de apoios da que xa se concederon axudas para os primeiros 14 proxectos.

  9. A Xunta apoia 14 proxectos de pemes galegas que van mobilizar máis de 1 M€ para a fabricación de medios de protección fronte ao Covid-19

    O Comité de fabricación de equipamento sanitario e de material para a protección dos traballadores avaliou o pasado luns estes proxectos aos que a Xunta achega ao redor do 70 por cento, preto de 750.000 euros. Catro destes proxectos van dirixidos á fabricación de máscaras, o que permitirá dispoñer en Galicia de 300.000 unidades diarias. Vanse fabricar, tamén, pantallas protectoras, mamparas, xeles e solucións desinfectantes, biocidas ou sistemas de control de temperatura, entre outros. Trátase das primeiras iniciativas que aprobadas a través da liña de financiamento de 2,5 millóns de euros que o Goberno galego puxo en marcha para apoiar ás empresas que queiran colaborar na fabricación deste material. Conde resalta que Galicia está demostrando que ten capacidade para aprovisionarse grazas ao saber facer da industria galega e ao compromiso de todo o tecido empresarial.

  10. Os traballadores afectados por Ertes que están pendentes do Goberno para cobrar as súas prestacións poden solicitar xa un anticipo á Xunta de Galicia

    O conselleiro de Economía, Emprego e Industria, Francisco Conde, indica que a Administración autonómica "tomou a iniciativa" para que as familias poidan dispoñer de liquidez mentres non reciben as prestacións do Estado. O Diario Oficial de Galicia (DOG) vén de publicar os apoios, que permitirán recibir de forma inmediata 1500 euros, cun tope mensual de 750 euros, mediante un convenio acordado coas entidades financeiras. Os adiantos están libres de xuros e comisións.

Siguenos en la web

facebook Twitter google rss
Comparte en:
SS Admon AEAT xunta Vigo

Inicio de Sesión

rande large

Localización