Igape

Igape, Instituto Galego de Promoción Económica
  1. As empresas galegas poden solicitar ata o 7 de outubro as axudas do programa Profesionais 4.0 para contratar mozos e mozas de ata 35 anos

    A Xunta promove esta iniciativa innovadora para impulsar a Industria 4.0 mediante a contratación de 140 persoas con titulación universitaria ou de técnico superior de FP. Poderán especializarse e acceder ao mercado laboral desenvolvendo proxectos de mellora competitiva en compañías e organizacións empresariais.Enmárcase na nova Axenda 4.0, á que Consellería de Economía, Emprego e Industria destinará 350 millóns de euros entre 2019 e 2022.

  2. A Xunta apoia aos emprendedores do coworking do Salnés na súa aposta pola especialización e a oferta de produtos e servizos de calidade

    O director do Igape, Juan Cividanes, participou hoxe en Vilanova de Arousa na clausura da terceira edición da aceleradora promovida polo Goberno galego en colaboración coa Escola de Organización Industrial (EOI). Salienta que os 22 novos empresarios optan pola valorización dos recursos do territorio e a produción sostible. Os participantes contaron cun asesoramento especializado e titoría personalizada no Pazo Vista Real, onde se levan impulsado 65 plans empresariais, con preto de 30 xa en marcha.

  3. A Xunta impulsa a Industria 4.0 mediante 23 plans formativos de dixitalización nos que se prevé a participación de 200 empresas

    O DOG vén de publicar a resolución da última convocatoria desta iniciativa, que a Consellería de Economía, Emprego e Industria impulsa a través do Igape. A liña de axudas facilita a xeración de solucións tecnolóxicas e formas de colaboración para a posta en marcha de ferramentas dixitais. Enmárcase dentro da nova Axenda 4.0, coa que Galicia aspira a crear 13.500 novos empregos industriais.

  4. A Xunta promove máis de 190 accións de promoción exterior nas que participarán preto de 500 pemes galegas

    O Diario Oficial de Galicia vén de publicar a resolución da convocatoria de 2019 do programa Galicia Exporta Organismos Intermedios, que impulsa os plans de internacionalización xestionados por 35 agrupacións empresariais. Prevese a participación de 479 empresas nas actividades realizadas en 36 países, cun aumento do apoio en destinos non europeos do 8%. O importe total das axudas é de 1,88 millóns de euros, incrementándose nun 25% con respecto á anterior edición, mentres que o número de actuacións sobe un 42%. A alimentación, o naval, o audiovisual, as TIC, a automoción e o téxtil son algúns dos sectores apoiados por estas actuacións, que inclúen misións comerciais ou a cooperación para a implantación e prospección de mercados. Este programa compleméntase co Galicia Exporta Empresas, enmarcado tamén na Estratexia de Internacionalización da Empresa Galega 2020, que impulsa as exportacións como motor de emprego e crecemento empresarial.

  5. A Xunta promove a creación de espazos industriais compartidos para avanzar nas solucións 4.0

    O director do Igape, Juan Cividanes, abriu hoxe en Santiago de Compostela unha xornada informativa sobre os Centros de Fabricación Avanzada. Avaliáronse os resultados da consulta que fixo a Xunta ao tecido empresarial galego sobre a activación dunha liña de axudas para promover a xeración de infraestruturas abertas de desenvolvemento e produción industrial. Empresas e outros axentes económicos presentaron 26 proxectos cun investimento total que supera os 120 M€.A Consellería de Economía, Emprego eIndustria está a definir o programa dos Centros de Fabricación Avanzada, ao que se prevé destinar 16 millóns de euros para executar ata 2022 a través da Axenda Industria 4.0. Como parte das solucións da fábrica intelixente que propón esta folla de ruta para os vindeiros anos, esta iniciativa permitirá validar recursos de tecnoloxías dixitais ‘made in Galicia’ en sectores concretos. O novo plan de apoios primará a inclusión das fábricas compartidas nos Hubs de innovación dixital apoiados polo Goberno galego.

  6. Galicia mobilizará 900 M€ ata 2020 para avanzar a través da Axenda 4.0 na transformación industrial e crear 13.500 novos empregos

    A Xunta destinará 350 millóns de euros en catro anos a esta folla de ruta co obxectivo de anticiparse aos cambios, aumentar o tamaño das empresas, favorecer o talento dixital e a reinvención da industria. Este ano e o que vén prevese o reforzo dos programas xa en funcionamento e a posta en marcha de novas liñas de actuación que faciliten a transformación dixital, co desenvolvemento de servizos, solucións, ferramentas de colaboración e financiamento 4.0 para as pemes galegas. Entre outras iniciativas, poñeranse en marcha os Centros de Fabricación Avanzada, para validar recursos de tecnoloxías dixitais ‘made in Galicia’ en sectores industriais concretos; e un programa para impulsar o desenvolvemento de provedores de maquinaria industrial. Tamén se activará un plan integral de financiamento para investimentos en tecnoloxías emerxentes e desenvolveranse os Hubs de innovación dixital. A nova Axenda levarase á Mesa do Diálogo Social, na que participan representantes empresariais e sindicatos. Desde o lanzamento do plan en 2015 mobilizáronse máis de 935 millóns de euros, chegando a case 9000 empresas.

  7. Os 19 emprendedores do coworking da Ribeira Sacra poñen en valor os recursos do territorio e apostan pola produción sostible

    O delegado territorial da Xunta en Lugo, José Manuel Balseiro, asistiu hoxe en Monforte á presentación das iniciativas emprendedoras desenvoltas na aceleradora na que colaboran Xunta e Escola de Organización Industrial (EOI). Os novos empresarios escolleron ámbitos de actividade como servizos formativos e culturais, o deseño, o turismo activo ou a agroalimentación sostible, entre outros. Os participantes contaron con asesoramento especializado e titoría personalizada en Expolemos, onde se levan acelerados 79 plans empresariais, dos que 28 xa están en marcha, con 50 postos de traballo vinculados.

  8. As vendas galegas ao exterior no sector da pedra natural superan os 100 M€ tras aumentar un 10,4% no primeiro cuadrimestre do ano

    O director do Igape, Juan Cividanes, visitou hoxe en Salceda de Caselas as instalacións da empresa Granilouro, onde salientou o traballo das empresas cara á diversificación e á apertura a novos mercados. Destacou os incrementos de xaneiro a abril das vendas galegas ao exterior a destinos asiáticos, como o 32% da China, e americanos, nos que a suba acadou o 17% no continente. Galicia mantén un peso do 7,2% sobre o total das exportacións españolas, sendo a sexta Comunidade cun maior volume de vendas.

  9. A Xunta investirá 18 M€ nunha nova liña de préstamos directos dirixida ás pemes para que poidan crecer e innovar en Galicia

    O conselleiro de Economía, Emprego e Industria, Francisco Conde, participou hoxe en Santiago de Compostela na xornada técnica sobre instrumentos de financiamento para as pemes galegas organizada en colaboración co ICO. Os novos préstamos, que se poderán solicitar a partir do mércores, financiarán investimentos estratéxicos; en transporte de mercancías que utilicen combustibles alternativos; e en infraestruturas de uso compartido e o desenvolvemento de proxectos en Galicia por parte de asociacións empresariais. Enmárcase dentro do Plan de financiamento empresarial de Galicia, no que colabora o ICO, co que se apoiaron nos últimos cinco anos preto de 11.000 empresas e autónomos, impulsando a mobilización de case 1200M€. Conde pon en valor a colaboración entre as administracións para que as empresas poidan seguir contando con este tipo de apoio para poder crear unha Galicia cada vez máis próspera.

  10. A Xunta destaca os 20 proxectos do coworking da Mariña lucense polo seu impulso ao aproveitamento sostible e a valorización dos recursos do territorio

    Mondoñedo acolleu hoxe o demoday da cuarta edición da aceleradora promovida pola Consellería de Economía Emprego e Industria e a Escola de Organización Industrial (EOI). O Goberno galego dispón de servizos e liñas de axuda para consolidar os plans dos 23 novos empresarios, como os programas Galicia Emprende e diversos instrumentos de financiamento. Entre as actividades que participaron na iniciativa destacan proxectos de agroalimentación, a transformación industrial de produtos básicos e os servizos tecnolóxicos en sectores diversos. O coworking mindoniense apoiou desde 2016 un total de 62 plans de emprendemento dos que xa están en marcha máis da metade.

Siguenos en la web

facebook Twitter google rss
Comparte en:
SS Admon AEAT xunta Vigo

Inicio de Sesión

rande large

Localización