Igape

Igape, Instituto Galego de Promoción Económica
  1. A Xunta destina 6M€ para impulsar plans de internacionalización dixital de pemes, autónomos e comercio

    O Goberno galego activa nas vindeiras semanas unha nova convocatoria de Galicia Exporta Dixital, unha liña adaptada ás necesidades provocadas pola pandemia da covid-19 para facilitar a reactivación do tecido empresarial e a mellora da competitividade no actual contexto económico. O obxectivo é impulsar as vendas no exterior das empresas galegas a través de ferramentas dixitais innovadoras. En 2020 concedéronse axudas para desenvolver 155 plans de internacionalización dixital en máis de 90 países que permitirán mobilizar 7M€. Complementa as medidas de impulso á dixitalización incluídas no Plan de reactivación e dinamización económica.

  2. A Xunta impulsa con máis de 9M€ a dixitalización de máis de 1300 autónomos e pemes do comercio galego

    O director do Igape, Fernando Guldrís, e o director xeral de Comercio e Consumo, Manuel Heredia, acompañados polo presidente da Federación Galega de Comercio, José María Seijas, destacaron a aposta pola transformación dixital do sector. Estes apoios, a través de programas incluídos no Plan de reactivación económica como os cheques de dixitalización, o Galicia Exporta Dixital ou os proxectos Industria 4.0, mobilizan preto de 13,4 millóns no comercio galego. Permanece aberto o prazo de presentación de solicitudes da nova liña de apoios para o acondicionamento de terrazas e do programa de créditos brandos para os sectores máis afectados pola pandemia.

  3. A Xunta achega información a autónomos e pemes sobre as axudas e os préstamos destinados aos sectores máis afectados pola actual situación económica

    O director do Igape, Fernando Guldrís, e os directores xerais de Comercio e Consumo, Manuel Heredia, e Emprego, Traballo Autónomo e Economía Social, Covadonga Toca, participaron hoxe nun encontro dixital centrado nos últimos programas de axudas dirixidas a estes colectivos. Guldrís destaca que coas novas liñas de apoios para o acondicionamento de terrazas e de créditos brandos a Administración autonómica reforza as medidas para a recuperación da actividade do tecido empresarial galego. Toca sinala que a Xunta está a axilizar o máximo posible o pagamento das axudas do Plan de rescate no que se está a investir 84 millóns de euros. O director do Igape participou hoxe tamén na apertura da misión inversa dixital con EEUU na que empresas galegas do sector TIC exploran novas oportunidades de negocio con axentes públicos e privados norteamericanos.

  4. A Xunta defende o impulso de todas as administracións á innovación e á dixitalización para avanzar na recuperación económica

    O director do Igape, Fernando Guldrís, participou hoxe na xornada dixital Innovación e competitividade de empresas, organizada polo Foro Empresa Pontevedra en colaboración co Instituto para o Crecemento Sustentable da Empresa. Destaca que o Goberno galego intensifica nos orzamentos de 2021 os instrumentos de apoio financeiros, de mellora da competitividade e a presenza no exterior para facilitar a reactivación do tecido produtivo galego, especialmente das pemes. Apunta á colaboración entre empresas, centros de coñecemento e administracións para atopar solucións ás exixencias actuais provocadas pola pandemia da covid-19.

  5. A Xunta impulsa 155 plans de internacionalización dixital de pemes e microempresas galegas en máis de 90 países

    As axudas achegadas a través das dúas convocatorias deste ano do Galicia Exporta Dixital mobilizarán 7M€. O Goberno galego reforzou e adecuou o novo programa ás necesidades provocadas pola pandemia da covid-19 para facilitar a reactivación do tecido empresarial e a mellora da competitividade no actual contexto económico. O obxectivo é impulsar as vendas no exterior das empresas galegas, especialmente as de menos de 10 traballadores e os comercios, a través de ferramentas dixitais innovadoras. Seis de cada dez empresas beneficiarias son microempresas e destaca o comercio polo miúdo, co 27% do total de empresas apoiadas. Complementa as medidas de impulso á dixitalización incluídas no Plan de reactivación e dinamización económica, como as liñas de apoio á modernización e a innovación no comercio de proximidade, o rural e a economía social.

  6. O Igape duplicará en 2021 a súa capacidade para apoiar o tecido produtivo galego na recuperación económica e na súa transformación

    O director do Igape, Fernando Guldrís, compareceu esta tarde na Comisión 3º do Parlamento galego para explicar as principais liñas do orzamento do próximo ano. A transformación industrial e empresarial, a internacionalización e o fomento da competitividade serán os principais eixes de actuación. Triplícase o apoio ao financiamento para facilitar a actividade económica e industrial. A nova Unidade de proxectos tractores que se encarga da xestión operativa e da tramitación das iniciativas que tratan de optar aos fondos europeos Next Generation dependerá do Igape.

  7. A Xunta achega ás pemes as aplicacións das tecnoloxías 4.0 para reforzar a competitividade no novo contexto económico

    O director do Igape, Fernando Guldrís, asistiu hoxe ao último dos encontros dixitais sobre tecnoloxías emerxentes organizados en colaboración coa Alianza Tecnolóxica Intersectorial de Galicia (Atiga), centrado na fabricación aditiva. Nas xornadas realizadas, expertos de centros tecnolóxicos e compañías mostraron o potencial da 5G, a automatización e a robótica colaborativa, a intelixencia artificial, a xestión da enerxía e a economía circular e a interacción persoa-máquina. Forman parte das iniciativas contempladas no convenio Oportunidades Industria 4.0 asinado polo Goberno galego e Atiga para impulsar o proceso de implantación da nova industria e a fábrica intelixente entre o tecido produtivo.

  8. A Xunta informa sobre os préstamos IFI dirixidos a apoiar proxectos innovadores de pequenas e medianas empresas

    A directora da Axencia Galega de Innovación (Gain), Patricia Argerey, e o director do Igape, Fernando Guldrís, presentaron esta mañá este instrumento financeiro que apoia proxectos de I+D+i de pemes para mellorar a súa posición competitiva. A convocatoria 2020 dos préstamos IFI Innova, que ten aberto o prazo de solicitude ata o 30 de decembro, conta cun orzamento de máis de 3 millóns de euros.

  9. O Colexio de Enxeñería Informática premia iniciativas apoiadas pola Xunta como a Cidade das TIC e os programas de impulso ás vocacións científicas da Tecnópole

    A directora da Axencia Galega de Innovación (Gain), Patricia Argerey, recolleu o Premio á Innovación Tecnolóxica no Ensino outorgado ao Parque Tecnolóxico de Galicia, situado en San Cibrao das Viñas. Fernando Guldrís, director do Igape, foi o encargado de recibir, xunto ao reitor da Universidade da Coruña e o presidente do Clúster TIC, o galardón concedido á Cidade das TIC na categoría de Grandes Proxectos. Tamén foi premiado o proxecto Smartiago, cofinanciado pola Xunta, na categoría de Iniciativa da Administración e a empresa Appentra, participada por Igape e Gain a través do fondo Galicia Innovatech.

  10. A Xunta recoñece o traballo de seis centros de ensino no concurso Eduemprende Idea 2020

    O certame ten como obxectivo potenciar a realización de proxectos empresariais polo alumnado das ensinanzas de FP, deportivas ou de artes plásticas e fomentar así o emprendemento. Resultaron premiados equipos de Pontevedra, Lugo, A Coruña e Vigo, que recibirán en total 12.000 euros e poderán incorporarse a un viveiro de empresas da Consellería de Educación e recibir asesoramento técnico do Igape.

Siguenos en la web

facebook Twitter google rss
Comparte en:
SS Admon AEAT xunta Vigo

Inicio de Sesión

rande large

Localización